PC-in Mizoram dinhmun vanduaithlak ti

Peoples' Conference party chuan thuchhuah siamin, India rama Covid-19 hripui vei enkawl mek percentage-ah Mizoram a sang ber chu vanduaithlak an tih thu an tarlang a; Mizo mipui an inngaihtuah harh a ṭul tawhzia tilang chiangtua an ngaih thu an sawi.

PC party chuan, "Mizoram, Kristian rama inchhál, Pathian nung be hnam inti si, India rama AIDS leh cancer vei tamna ber state kan nih tawh laia Covid-19 kan champion-pui leh zel mai hian Mizorama rorelna fawng chelhtu tur kan siamna kawngah Mizo mipui kan inngaihtuah harh a ṭul tawhzia a tilang chiang hleah kan ngai," an ti.

Ramri buaina chingfel tur leh kawlphetha hnianghnâr taka nei tur te, inkalpawhna kawngpui ṭha nei tur te, chawa intodelh tur leh thingtlang tihhmasawnna turtea Brig. T Sailo hmalak tawhna zawng zawng tihlawhtling turin PC-in theihtawp an chhuah zel dawn tih an sawi a; Mizoram mipui ṭawiawmna an ngen a ni.