Naupang himna ngaihtuahtu tur din

Health minister Dr R Lalthangliana hoa sorkar hotute July 24, Inrinnia Secretariat Conference Hall-a ṭhukhawm chuan, Covid-19 kaihnawihah naupangte'n rilru leh ngaihtuahna hrisel an neih theihna tura hma latu tur committee an din.

Ṭhutkhawmah hian, Covid-19 vanga nu leh pa emaw, nu emaw, pa emaw zawk zawk chán naupang 63 an awm tawh thu tarlan a ni a; an zinga 59 chu nu leh pa kara cheng, nu emaw, pa emawin an thisante niin, mi dang pali chu nu emaw, pa emaw nen chauha awm (single parent-in a enkawl) an ni.

Hripui vanga nu emaw, pa emaw, nu leh pa emaw chán naupangte chu PM Cares hnuaia ziah luh zel an ni a; Covid-19 thawh thumna thleng theiah naupang a nghawng na dawna sawi a nih avangin, an rilru leh ngaihtuahna venpuina turin tun aṭanga ruahmanna felfai tak siam a ṭul thu sawi a ni bawk.

Covid-19 kaihhnawiha naupang himna leh hriselna ngaihtuahtu tur committee din a ni a, Health Secretary chu chairman niin, member pasarih an awm.