Mizo thuam inbel turin mipui sáwm

Central YMA hruai­tute leh lirthei hmanga eizawngtute leh sum­dawng pawl aiawhte chu February 10, Inrinni khan CYMA Hall-ah an inhmukhawm a; Chapchar Kût lo thleng turah Mizo thuam a tam thei ang ber inbel turin mipui an sáwm.

Inhmuhkhawmnaa telte chuan, lirthei khalh­tu leh a puitute chu Mizo thuam inbel chunga an lirthei khalh turin an inngen a; Chapchar Kut pualin hmun remchangah hun hman an rêl bawk. Sumdawngte pawhin February 26 leh March 2 inkar chhungin an thil zawrhte tláwm zawka zawrh chhuah rûnpui neih ni se an ti a ni.

Inkawm khawmnaah hian CYMA hruaitute bak­ah, Zoram Drivers Union, Mizoram Taxi Asso­ciation, Aizawl City Bus Owners Association, Mizoram Maxicab Owners Association, Mizoram Merchant Association, Zohandfed leh Aizawl Thunders hruaitute an tel.