Muallungthu-ah ZPM vantlang inkhawm

Ṭangrual pawl, Zoram Peoples Movement (ZPM) chuan February 10, Inrinni khan Aizawl South-III huam chhung, Muallungthu khuaah an pawl thuthlung an puang chhuak a; an campaig-ner PL Liandinga'n thu a sawi.

PL Liandinga chuan, Mizoram mipuite chu bumin an awm rei tawh hle nia tih sawiin, "Mipuite khai chhuak tura ZPM hmalakna hi mipuiin an la ringhlel deuh rih a nih pawhin a âwm a ni," a ti a; hmasawnna chu pumbilh tum chi a nih loh thu leh mi zawng zawng tana inṭâwm chi a nih thu sawiin, ZPM-in thuneihna an chang a nih chuan tu hming mah pencil-a ziah leh ziah fiah bik a awm loh tur thu a sawi.

PL Liandinga chuan, ZPM-in thuneihna an chang a nih chuan, sawhthing an lei tur thu leh, rim taka thawkte'n an thlai thar an hralh theih nan theihtawp an chhuah tur thu a sawi bawk.

ZPM puipate zinga mi, Rev. Darchungnunga pawhin thu sawiin, pastor châwl tawhte chu ZPM kaltlangin politics huangah zuang lut mah se, MLA nih ve an tum loh thu a sawi a; Mizoramah roreltu ṭha, kohhran mite tlangnèl theihna tura sorkar kaihruai thei tur siam a nih theih nan politics an luhchilh tih a sawi a ni.

Inrinni vek khan Ai­zawl East-I huam chhunga ZNP leh MPC block hruaitute an in­hmukhawm a, ZPM ge­ne­ral secretary K Sap­danga'n a kaihruai. He hunah hian Aizawl East-I huam chhungah ZPM block pathum an din a, Block Steering Committee hruaitu an inruat nghal bawk.