CYMA Study Team-in Ispat an enfiah

Central YMA hnuaia Study Team on Ispat chuan February 10, Inrinni khan Lengte rama Mizoram Ispat Industry an tlawh a; an harsatna CYMA-a an thlente a hmunah an zir chiang.

Study Team on Ispat-te hi CYMA general secretary Lalhmachhuana'n a ho a, Central Executive Committee member pariat an tel a; Ispat CEO Roshan Aggarwal-a'n a lo dawngsawng. Lengpui Model Branch leh Lengte Branch YMA office bearer-te nen Ispat chungchang an sawiho nghal a ni.

CYMA Study team chuan, Ispat hotute chuan an hnaah Mizo ṭhalai a tam thei ang ber chhawr tur leh iron rod an siam chhuahte chu quality ṭha thei ang bera siam turin an ngen a; hemi rual hian, iron rod an siamte chu a ṭha thawkhata an hriat thu an hrilh.

Mizoram Ispat hotute pawhin, iron rod a ṭha thei ang ber siam chhuah zel an tum thu an sawi a; chutih rualin, raw material (thir chhia) an duh khawp an hmuh loh thu an sawi bawk.