LIKBK Hmeichhe Pawl rorel a ṭiak

Lairam Isua Krista Baptist Kohhran (LIKBK) Hmeichhe Pawl rorel vawi 19-na chu Februa­ry 8, Ningani zan khan Lawng­tlai Centre Church-ah ṭan a ni a, nizan khan a ṭiak.

LIKBK Hmeichhe Pawl rorel inkhawmpuiah hian February 9, Zir­tawpni khan rorel a ni a, kum 2017-18 chhunga budget atan Rs. 25,41,700 an pawm. Kum 2019-ah Lairam Motherless Home Silver Jubilee hman an rêl a; Rualbanlote Ni chung­chang leh Lairam Rescue Centre-a hmalak zel dan turte an rel bawk.

LIKBK-ah hian pastor bial 21-ah tualchhung kohhran 105 a awm a, chu'ngah chuan LIKBK Hmeichhe Pawl hian unit 101 a nei mek a, member zat chu 4,980 a ni.