Hnathawk chak turin nawr

Khuangthing-Zawl­sei-Khawbung VC, NGO leh political party hrang hrang hruaitute chuan cheng vbc. 56.70 senga siam tur Tlawva Small Hydel Project hnathawktute chu fur ruahtui tlak hmaa chak zawka hnathawk turin an nawr.

Khuangthing-Zawl­sei-Khawbung VC, NGO leh party hrang hrang hruaitute chuan tun hnai khan megawatt 5 pe chhuak tur Tlawva Small Hydel Project hnathawktute hnathawh a hmunah kalin an enfiah a ni. He project hi NORTECH Pvt.-ten an thawk a ni.

Tlawva Small Hydel Project hi kum 2015 March thlaa zo hman tura a thawktuten an sawi laiin an intiamna angin hna hi an thawk zo hman loa, kumin June thlaa zo tura an intiamna pawh an hmanraw chhawp sa leh hnathawktute hnathawh dan enin khaw pathum aiawhte chu rin harsa an tih thu an sawi.