KHAWTHLIR

In kâng ral
Nimin zing dar 2:30 vel khan Lalhumhima s/o Rev. Sanghmuna, Bualpui (NG)-te in, Assam type a kâng a, bungrua chuh hman lohin a kâng ral. Kângmei hi choka aṭangin a neitute mutthilh laia chhuak a ni a, in neitute'n a kâng tih an hriat chuan ṭhelh mih theih a ni tawh lo a; kawngkapui aṭanga tlan chhuah theih a nih loh avangin tukverh aṭangin an insaseng a ni.

Sorkar phût
PRISM chuan thuchhuah siamin, Mizoram leh Assam ramri chingfel tur te, tun hnaia Assam sorkarin Mizoram chhunga khelmual tur an lai leh, Mizoram humhalh tura hma la turin Mizoram sorkar an phût tih an tarlang. PRISM hruaitute chuan February 9, 2018 khan Mizoram leh Assam inrinaa Assam sorkarin khelmual tur a laih mek an tlawh a ni.

Dincham lawm
Mizo Students' Union (MSU) chuan nimin khan Aizawl leh hmun dang ṭhenkhatah MSU din champha an lawm. Aizawlah chuan MSU Pisapuiah an lawm a; MSU president RB Lalmalsawma'n thu a sawi. MSU Rising Day pualin MHIP Hnuchham In leh Hermon Childrens' Home-ah ṭanpuina an hlan a ni. Lungleiah pawh YMA Sub-Headquarters, Lunglei conference hall-ah MSU Rising Day lawmna leh zirna uar kum hawnna an buatsaih a, Lunglei HPC vice chairman S Laldingliana'n a hman pui.

Contractor Bân turin ngen
Tun hnaia Champhai leh Serchhip khawpuia eirawngbawlna gas harsat chhan chu a phurtu carrying contractor-in a phurh ṭhat loh vang nia hriat a ni a, hei vang hian Food, Civil Suupy & Consumer Affairs department chuan carrying contractor chu bàn (terminate) turin Indian Oil Corporation (IOC) hnenah an thlen nia thu dawn a ni. Heng khaw pahnih ta tur gas-te chu Mualkhang Gas Bottling Plant aṭanga lak ṭhin a ni.