Mipa tih theih ang tive thei Cardi B

American rapper Cardi B chuan mipa tih theih ang chu a tih ve theih thu interview-ah a sawi chhuak.

Cardi B hi tun hnai khan British magazine lar i-D chuan an interview a, hmeichhe chungchang a sawi nasa hle. "Tun lai mite hi kan changkang tawh a, chu tih rual chuan mahnia chhia leh ṭha hriatna la hmang thiam lo an la awm a ni. Mipa leh hmeichhia inkar a la zau a, hetih rual hian hmeichhia te pawh hian mipate tih theih nag kan tive thei a ni tih kan hriat a ngai" tiin a sawi. Amah ngei pawhin chu chu a tum ber a nih ṭhin thu leh, a tum a hlenchhuah thu a sawi.

Cari B chuan zai lama a bul ṭan chhoh dan sawiin, "Harsatna tam tak paltlang tur a awm a ni" a ti. Tihsual tam tak a awm a, chungte chu tluk hlenna thlentu ni loin, chhelhna minpetute an ni, a tibawk. Tuna a sum lakluh zo zaite hi chhel taka a hlawh chhuah a nih thu sawiin, hetiang zat hi a lakluh theih a inring bik lo. An chhungkua an harsa hle tih sawiin, "A tirah chuan USD 200 ka thawk chhuak ve a, kum 21 ka tlin meuh chuan USD $20,000 ka khawl tawh. Tunah chuan ni khatah pawh USD $35,000 te ka thawk chhuak ve tawh a ni" tiin, tun dinhmun thleng thei tura a thawhrim thu a sawi.