Mi 15 ventilator hmantir mek an ni

Nimin tlai dar 5 dinhmun angin, State Referral Hospital-ah Covid-19 vei mi 295 enkawl mek an ni a, ICU-ah mi 38 awmin, an zinga mi 15 chu ventilator hmantir mek an ni.

SRH-ZMC Bulletin tarlan danin, nimin khan SRH-ah hian hripui vei mi 36 dah luh an ni a, mi 12 chhuahtir niin, hmun dangah mi pakhat sawn a ni. Ward hrang hrangah hripui vei mi 257 an awm a, an zingah oxygen pek ngai mi 72 an awm. Damlo awmpuite nen SRH-a awm zawng zawng chu mi 379 an ni.