Minister-in CCC tur a enfiah

Minister of state Lalruatkima hoin Health department hotute leh Aizawl West Joint YMA hruaitute chuan nimin khan Covid care centre atana hman tur, Vaivakawna Aizawl West Joint YMA Multipurpose Sports Centre sak zawh tawh an enfiah.

Lalruatkima chuan, hri inkai chhàwnna lian bera lang chu inlèn pawh a nih thu sawiin, mi tin an fimkhur lehzual a, an ṭan mar a ngaih thu a sawi a; hripui léng mek donaah sorkarin theihtawp a chhuah nia sawiin, thuawih taka sorkar dan leh thupekte zâwm turin mipui a ngen.

Aizawl West chief medical officer Dr Thani Pachuau chuan, sorkar enkawl CCC-te a khat tawh hle tih sawiin, sorkar hmun remchang awm theite en mek zel a nih thu a sawi a; Aizawl West Joint YMA Multipurpose Sports Centre-ah mi 85 an awm thei tura an ngaih thu leh tun karah tihfel hman tum a nih thu a sawi bawk.

Aizawl district-ah sorkar enkawl CCC 13-ah hripui vei mi 7,135 enkawl mek an ni.