KHAWTHLIR

State pahnih CS inbe dawn
Union Home Secretary Ajay Kumar Bhalla chuan Assam leh Mizoram Chief Secretary-te leh DGP-te chu ramria buaina chhuak chungchangah New Delhi-ah a ko a, vawiin hian an inbia ang. He mi nang tur hian Mizoram chief secretary Lalnunmawia Chuaungo chuan nimin khan New Delhi a pan.

NE Live titawp
North East Live satellite news channel chu ramri buaina chungchanga Mizoram leh Mizote ṭan lo zawng hlira thu a chhuah ṭhin avangin LPS leh Zonet chuan thu leh awm hma chu an titawp. Thu dawn danin NE Live channel neitu hi Riniki Bhuyan Sarma a ni a, Assam chief minister Himanta Biswa Sarma nupui a ni.

YMA-in FIR thehlut
Central YMA chuan, tun hnaia social media-a dâwt hmanga Mizo mipuite puhtu Tippai Swamy Mundaliar lakah nimin khan CID (Crime)-ah FIR an thehlut.

Thisen pe
Kolasib Electric Veng Branch YMA-a Taitesena Section-te chuan nimin khan Kolasib District Hospital Blood Bank-ah thisen unit 13 an pe a, petute mipa 11 leh hmeichhia pahnih an ni.

ZORO-in chhuang
Zo Reunification Organisation chuan Mizoram hum tura Mizo police-te'n July 26, 2021-a Assam police an bei let chu chhuanawm an tih thu an tarlang a; Vairengte mipui hmalakna leh chet dan chhuanawm an tih thu an sawi bawk.

Fumigator pe
Printing & Stationery Staff Welfare chuan nimin khan State Referral Hospital hnenah fumigator panga an pe. Fumigator hi Rs. 60,000 man a ni.

Motor siamsak dawn
July 26-a Vairengte daia buaina chhuah ṭan dawna Assam mipuite'n motor an vuak chhiatsak Swift car chu Maruti dealer, GIG Motors neitu John Lalpeka chuan a thlawnin an siamsak vek tur thu a sawi a, a ṭul a nih chuan a lirthei hi a thara thlak an inhuam a ni.