Sample endik nawn a ni

July 20-24, 2021 chhunga Aizawl khawpui veng ṭhenkhata swab sample endik rûnpuia negative tawh, an dinhmun ena endik nawn ngaite chu July 26, Thawhṭanni khan endik nawn leh a ni a, sample 373 endik aṭangin Covid-19 positive mi 59 hmuh chhuah a ni.

Endik nawnnaa hripui vei hmuh dan chu - Bethlehem Vengthlangah sample 221 aṭangin mi 39, Chhinga Vengah sample 77 aṭangin mi 19, Saron Vengah sample 74 aṭangin mi pakhat a ni a; Electric Venga mi pakhat endik chu a negative nawn thung.