Lirthei kal theih hun bithliah

Traffic SP C Lal­thanmawia chuan, BRTF-in February 15, Ningani aṭangin Kawnpui - Durtlang - Aizawl kawng siamṭhat hna an thawh dawn avangin, he kawnga lirthei tlan dan turah ruahmanna thar a siam. Lirthei tlan dan tur siam thar hian hna thawh zawh a nih hma zawng a huam ang.

Sihphir aṭanga Aizawl lam km. 3 thlenga hna thawh hun chhung tur leh kawng hawn hun tur chu hetiang hian bithliah a ni. Hna thawh hun chhung chu zing dar 7-9 inkar, chawhma dar 10 leh chhun dar 1 inkar, tlai dar 2-5 inkar leh, zan dar 6-8 inkar a ni a; kawng hawn hun chu zing dar 9-10 inkar, chhun dar 1-2 inkar, tlai dar 5-6 inkar leh zan dar 8 aṭanga a tuk zing dar 7 inkarte a ni.

Km. 3-a thui chin an thawh zawh hnua hmun dang zawnga an thawh chhunga kawng hawn leh hna thawh dan tur chu hetiang hian bithliah a ni. Hna thawh hun chhung zing dar 7 leh chhun dar 1 inkar, tlai dar 2-7 inkar a ni a; kawng hawn hun chu chhun dar 1-2 inkar leh zan dar 7 aṭanga a tuk zing dar 7 inkar a ni.