Rannung seh natna zirho a ni

Tun hnaia Mizoram hmun ṭhenkhata rannung seh natna (scrub typhus) lêng enfiah tura New Delhi aṭanga mithiam lo kalte leh Health Services department hotute'n nimin khan directorate conference hall-ah 'Training of Surveillance Officers on IDSP and Scrub Typhus' an nei.

Training hi IDSP state nodal officer Dr Pachuau Lalmalsawma'n a kaihruai a; NCDC, New Delhi-a additional director Dr AK Bhansal chuan, Mizorama an châm chhunga primary health centre (PHC) leh sub-centre an tlawhte chungah an lawmthu a sawi rualin, thawktute inpekna leh thawhrimna a fak a; IDSP hnuaia district hosptal laboratory tihchangtlunna turin hmanraw ṭul ang pek leh thawktu rawih danah sorkar laipuiah theihtawpa hmalakpui a tum thu a sawi.

Animal Husbandry & Veterinary department joint director (Livestock Health) Dr Hmarvunga pawhin thu sawiin, Mizoramah ramsa aṭanga kai theih natna (zoonotic disease) a awm nual tih a sawi a; chu'ng natnaahte chuan Health department nena an thawhho a pawi­mawh thu a sawi bawk.

Training-ah hian Mi­zorama IDSP hnuaia thawk te, rannung seh natna lênna hmuna doc­tor te, private hospital ai­awh te, district survei­llance officer-te leh micro­biologist-te an tel a ni.