Synod Hospital chapel hawng

Synod Hospital, Durtlanga chapel an sak thar chu nimin khan Synod moderator Rev. F Lalrinnunga'n a hawng. Chapel sakna atan hian Bualhranga leh a nupui Thanmawii, Dawrpui te chuan cheng nuai 57.74 an pe a ni.

Chapel hi Synod executive secretary Rev. PC Pachhunga'n Pathian hnenah a hlan a ni. Synod Hospital director Dr LH Thanga Singson tarlan danin, chapel sakna atan hian Bualhrangate nupain an inneih kum 50 tlin lawmna atan leh malsawmna petu Pathian hnena lawmthu sawina atan sum an pe a ni.

Chapel hi a dung ft. 86 leh a vâng ft. 29-a zau a ni a, mi 340 vel leng tura ruahman a ni. A hnungah champlain office cum vestry sak tel a ni bawk.