Lawngtlai Dist. Bank-te hnathawh thlirlet

Lawngtlai District Consultative Committee, District Level Review Committee leh District Level Security Committee chu nimin khan an chairman, DC Dr. Arun T hoin a pisa-ah an ṭhukhawm a, an district chhunga bank-te hnathawh an thlirlet.

He hunah hian Lawngtlai District chhunga Bank hrang hrangte hna thawh thlir let niin, hmachhawp an neih leh hma lak zui dan turte sawiho a ni.

Meeting-ah hian security kaih­hnawih te, currency management-remittance chungchang te, Stand Up India, PMFBY leh PMAY credit link chung­chang te, Self Help Group leh credit card hrang hrang - weaver, general, kisan, etc. chungchangte an sawiho a ni.

Bank-te chuan bank harsatna hrang hrang an tawh ṭhinte sawiin, a chin fel dan tur ngaihtuahho nghal a ni.

Meeting-ah hian bank hrang hrang aiawh­te leh department hrang hrang hotute an tel.