Kawng laitu leh viltute tan training

Nimin khan Lung­lei Circle PWD huam chhung­a Pradhan Mantri Gram Sadak Yojana (PMGSY) contractor leh site engineer-te tan PWD SE conference hall-ah 'Training for Skill Development of Field Staff' buatsaih a ni a, minister Zodintluanga'n a hmanpui.

Training hawn inkhawm hi PWD super­in­ten­ding engineer C Lalchhuana'n a kaihruai a; Zodintluanga chuan, contractor kalkhawmte chu kawng an laih chhan mipuite dah pawimawh hmasa ber turin a chah a, "Khawtlang tana in pawimawhzia leh an mawhphurhna a sanzia hre nawn leh fo ṭhin ang che u," a ti.

Engineer leh contractor-te chu langtlang taka an harsatna te sawiho ṭhin tura a duh thu sawiin Zodin­tluanga chuan, "Inhriat­thiam tawnna boruak ṭha hnuaia mipuite tan ṭha­hnemngai taka hmalak a pawimawh," a ti a; kalkhawmte chu uluk tak leh hriatthiam tum tak takna rilru nen inzir turin a chah.

Training-ah hian road safety & audit and maintenance of flexible pavement, planning design and construction of bridge & culvert, construction of rigid pavement including new material and technology, construction and maintenance of flexible pavement leh community based maintenance tih thupuite an zirho a ni.