PRISM-in NHRC-ah thlen

PRISM party chuan Serkhan khuaah Chief Minister vengtute'n Lal-biakzuala, Sihphir kut an thlak chungchang chu nimin khan National Human Rights Commission (NHRC)-ah an thlen.

PRISM chuan, January 22, 2018 zana Serkhan khuaa Lalbiakzuala chunga thil thleng chu tun thlengin CM Lal Thanhawla’n phatna thu a la sawi lo a, Home minister R Lalzirliana’n thu dikah a pawm ngei tih sorkar thuchhuahah tarlan a ni bawk niin an sawi a, "Police department pawhin thu dikah an pawm ngei tih sor­kar thuchhuah aṭangin a hmuh theih. Sorkar leh police-te'n kut inthlak hi a dik ngeia an pawm laiin, kutthlaktute man leh dan hmanga hrem a awm lo a, sorkarin thil sual titute a hum tlat a ni," an ti.