COVID-19: MIZORAM DINHMUN : Hripui vei 727 hmuh belh a ni

July 27, Thawhlehni khan Mizoramah Covid-19 vei mi 727 hmuh chhuah a ni a, July thlaah mi 14,805 hmuh chhuah a ni tawh. Nimin khan hripui laka fihlim tawh mi 263 chhuahtir an ni thung.

Covid-19 vei hmuh tharte chu mipa 339 leh hmeichhia 388 an ni a; ZMC laboratory-a hmuh chhuah 181, TrueNAT-PCR hmanga hmuh 66 leh Rapid Antigen Test hmanga hmuh 480 an ni.

Hripui vei hmuh thar 727-te chu natna lang chhuak 340 leh lang lo 387 an ni a; tualchhunga kái 725 leh state páwn aṭanga tun hnaia rawn lut pahnih niin, tualchhunga kái zingah kàina chin hriat loh mi 297 an awm. Nimin zing khan enkawl mek mi 10,924 an awm a, an tam lai ber a ni.

IDSP record angin, Mizoramah Covid-19 vei mi 35,297 hmuh chhuah a ni tawh a, mipa 18,868 leh hmeichhia 16,429 an ni. Nimin tlai dar 5 thleng khan mi 24,496 (69.40%) chhuahtir an ni tawh a, mi 140 (0.40%) thi tawhin, enkawl mek mi 10,661 (30.20%) an awm.

July 27, Thawhlehnia swab sample endik dan chu - ZMC laboratory-ah Aizawl leh Mamit district-a mi 1,850, TrueNAT hmangin district 11-ah 505 leh RAT hmangin district 10-ah 2,851 a ni a, a vaiin sample 5,206 (mipa 2,774 leh hmeichhia 2,432) niin, chu'ng aṭanga hripui vei hmuh chhuah 727 chu 13.96% a tling. Positive percentage hi ZMC-ah 9.78%, TrueNAT-ah 13.06% leh RAT-ah 16.83% a ni.

Thawhlehnia district-a Covid-19 positive hmuh dan chu - Aizawlah mi 487, Kolasib-ah 74, Lungleiah 53, Lawngtlaiah 51, Mamitah 38, Siahaah 14, Serchhipah panga, Champhaiah pathum leh Saitualah pahnih a ni. Aizawla veng 62 leh khaw dang 34-a mite an ni a; Lungleia veng pariat leh Kolasib leh Lawngtlaia veng pasarih ve ve an lang.

Hripui vei hmuh thar mi 727 zingah naupang kum tling lo 190 vel awmin, an zingah symptom nei 80 vel an awm a; nausen kum khat tling lo pariat awmin, a naupang ber chu kar thuma upa a ni. Kum 60 chung lam 50 chuang awmin, an zingah nei an awm nual a; a upa ber chu kum 104 mi a ni a, kum 93 leh 96 mi pakhat ve ve an awm bawk.

ZMC-a hmuh chhuah mi 181-te chu tualchhunga kai vek niin, pahnih chu kàina chin hriat loh an ni a, symptom nei 10 an awm. TrueNAT hmanga hmuh mi 66-te pawh tualchhunga kai vek an ni a, an zinga 11-in symptom an nei. RAT hmanga hmuh chhuah mi 480-te chu symptom nei 319 leh nei lo 161 an ni a, tualchhunga kái 478 leh state páwn aṭanga lut pahnih an ni.

Nimin khan tlai dar 5 thlengin hripui laka fihlim tawh mi 263 chhuahtir an ni a; Aizawl district-ah mi 162, Kolasib district-ah 48, Siaha district-ah 20, Mamit district-ah 19, Lunglei district-ah 10 leh, Champhai leh Serchhip district-ah pahnih ve ve an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 9,387 hmuh chhuah a ni tawh a, TrueNAT-PCR hmangin 2,163, RAT hmangin 23,746 leh Guwahati-ah pakhat hmuh chhuah a ni tawh.

IDSP tarlan danin, July 27, 2021 thlengin Mizoramah swab sample 6,03,282 endik a ni tawh a, chu'ng aṭanga Covid-19 vei hmuh tawh zat 35,297 chu 5.85% a ni. Hripui vei hmuh tawh zinga mi 31,105 chu Mizoram chhunga kái chhâwng an ni a, mi 4,192 chu Mizoram páwn aṭanga an rawn luh hnua hmuh chhuah an ni.