Inrenchem turin mipui ngen

Food, Civil Supplies & Consumer Affairs depart­ment chuan, Assam-ah kawngpui dan a nih avangin inrenchem taka khawsa tur leh mamawh tawk bâk a chuang liama chheprelh lo turin Mizoram mipui an ngen.

FCSCA department thuchhuah chuan, mipui ni tin mamawhte ṭhenawm state dang aṭanga lak luh tumin Mizoram sorkarin hma a lak mek thu a tarlang a, "Amaherawhchu, hniang­hnâr taka state-in a châwk luh ṭhin zat ang tun dinhmunah a pha rih lo. Buhfai lak luhna ber rél kawng pawh Assam chhungah tihchhiat a nih avangin hun rei vak lo chu buhfai thlen hun a fân deuh rih dawna rin a ni," a ti.