Sericulture dept-in cocoon an lei

Lunglei district-a pangang khawitute chuan kumina a vawi thum nan nimin aṭang khan cocoon an thar chhuahte Sericulture department-ah an hralh ṭan. Sericulture department-in cocoon an leisakte chu Ṭhuampui leh Vanhne khuaa mite thar Mulberry pangang a ni a, kg. khat Rs. 300 zela leiin, kg. 130 an lei a ni.

Lunglei district-ah hian pangang khawitu chhungkua 480 an awm mek a, chhungkaw 70 chuan Muga (Nauthak) pangang an vulh a, chhungkaw 380-in Mulberry pangang vulhin, chhungkaw 30-in Eri pangang an vulh bawk.

Sericulture depart­ment hotute chuan, pangang khawitute hnenah a chî bakah, a in sakna, damdawi leh hmanraw hrang hrang a thlàwn veka an pek ṭhin thu an sawi a; khaw danga kut hnathawktute thar chhuah pawh lei chhunzawm zel an tum thu an sawi a ni.