Khawzawla kawngpuite enfiah a ni

Khawzawl Road Protection Squad chuan nimin zing khan Khawzawl khawpui chhunga kawngpui dungte an fang a, kawngpui nék chêp leh tichhe thei zawnga hmalakna a awm leh awm loh endikin, mi dang tana harsatna thlen thei an hmuhte chu senghawi turin a titute leh neitute an hriattir.

Kawngpui endik hi Khawzawl Road Protection Squad chuan zing dar 6:30-ah Khawzawl Vengthar aṭangin an ṭan a, NH-6-in a paltlang vengte an endik a; VC leh YMA hruaitute'n an huam chhungah an ṭawiawm a ni.

Road Protection Squad hian vantlang leh kawngpui tana hnawk leh kawngpui tichêp leh tihmelhem theia ngaih hmun 10-ah an hmu a; chu'ngte chu senghawi tur leh ti tawh lo turin a titute leh neitute hriattir nghalin, CrPC 133 hnuaiah lehkha an pe ni.

Kawngpui endiktute hi Khawzawl SDO(Sadar) James Lalnithanga'n a kaihhruai a, DC pisaa thawk te, police, PWD, PE leh PHE department aiawhte leh khawtlang hruaitute an tel.