Lungleiah Sample Collection Kiosk thar

Lunglei High Powered Committee (HPC) kaltlanga Civil Hospital, Lunglei-a Covid-19 Sample Collection Kiosk siam thar chu nimin khan HPC vice chairman Lawmawma Tochhawng, MLA-in a hawng a; Kiosk chhunga dah tur air conditioner a hlan nghal.

Covid-19 Sample Collection Kiosk hi Lunglei Civil Hospital Medical Superintendent pisa hnuaiah siam a ni a, mamawh chi hrang hrang dah a ni. Sample endik man chu sorkarin bithliah angin, RAT-ah Rs. 200 leh TrueNat-ah Rs. 1,000 a ni.

Damdawi-ina dah luh tur, inzaina hmuna zai tur leh damlo awmpuitute chu engtik lai pawhin swab sample endik theih a ni a; Covid-19 negative certificate mamawh vang leh thil dang vanga sample endiktir duh tan chawhnu dar 1:00-3:30 chhungin endiktir theih a ni. Medico legal case vanga mamawhte tan tlai dar 4 aṭanga a tuk zing dar 9 thleng endiktir theih a ni bawk.