Sorkarin inren turin mipui a ngen

FCSCA department chuan nimin khan thuchhuah siamin, tuialhthei, eirawngbawlna gas, buhfai leh thil dangahte theihtawpa inrenchem turin mipui an ngen.

FCSCA department chuan, tun hnaia ramri bula buaina thleng avangin ni tin mamawh châwk luhna kawngpui a rálmuang rih lo tih tarlangin, "Hun eng emaw chen chu mipui ni tin mamawh a khaihlak thei a ni tih hriain, inrenchem taka kan khawsak a ṭul hle. Mizoram sorkarin mipui ni tin mamawhte ṭhenawm state dang aṭanga chawlut turin chak takin hma a la mek a, amaherawhchu, hnianghnâr taka kan hmuh ṭhin zat ang tun dinhmunah kan pha rih lo thei a ni," an ti.

Supply department chuan, mipui ni tin mamawhte chu mahni mamawh bak a chuang a liama chheprelh lo turin chhung tin an ngen bawk.