Endik rûnpuiah hripui vei 121 hmuh an ni

Health department chuan Aizawl khawpuiah swab sample endik rûnpui an kalpui chhunzawm zel a, July 29, Ningani khan veng pangaah neiin, sample 4,010 endik zingah hripui vei mi 121 (3.01%) hmuh chhuah a ni.

July 29-a veng hrang hranga sample endik zat leh hripui vei hmuh chhuah zat chu - Khatla South-ah sample 1,024 aṭangin positive mi pasarih (0.68%), Chaltlang Lily Vengah sample 727 aṭangin 14 (1.92%), Edenthar Vengah sample 746 aṭangin 30 (4.02%), Zuangtuiah sample 983 aṭangin hripui vei 35 (3.56%) leh Lawipu-ah sample 530 aṭangin mi 35 (6.60%) a ni.

Khatla South leh Chaltlang Lily Vengah hian sample endik ngaite zawh nghal a ni a; Edenthar Veng, Zuangtui leh Lawipu vengahte zawh hman a ni lo a, nimin khan chhunzawm a ni.