Transport dept. leh SBI-in thawhhona thuthlung ziak

Transport secretary KT Beicho pisaah nimin khan Transport department leh State Bank of India (SBI) hotute'n, online payment (e-Payment) kalpui turin thawh­hona thuthlung - memorandum of under­standing (MoU) an ziak.

MoU ang chuan, SBI-in payment gateway an siam ang a, Transport department leh NIC lamin e-Payment hmang thei turin an software an lo siam rem ve thung ang. e-Payment hi Transport department hnuaia DTO pisa dawrtute tana ṭangkai leh him zawk tur a nih avangin chak taka buaipui chhunzawm tura tih a ni a, hman theih thuai beisei a ni.

e-Payment hmangtute tan bank-ah leh department-ah sum chawi belh tur (tran­saction charge) a awm dawn lo a, a him tâwk hle tura ngaih a ni. DTO dawrtu ṭhenkhat tan a hmuna kal kher ngai loin, online hmangin fee leh tax-te pek mai theih a ni dawn. Tax leh fee chi hrang hrang - learner licence fee, driving licence leh renewal fee, road tax, plying permit fee, special road permit fee, registration of motor vehicle fee, passenger & goods tax leh STA kaihhnawih fee chi hrang hrangte a pek theih ang.