COVID-19: MIZORAM DINHMUN

July 30-31 chhung khan Mizoramah Covid-19 vei mi 1,754 hmuh chhuah an ni. Inrinni leh nimin khan hripui laka fihlim tawh mi 757 chhuahtir an ni a, hripui vei mi paruk an thi.

Covid-19 vei July 30-a hmuh chhuah mi 893-te chu mipa 391 leh hmeichhia 502 an ni a, ZMC laboratory-a hmuh 299, TrueNAT-PCR hmanga hmuh 46 leh Rapid Antigen Test hmanga hmuh 548 an ni. July 31-a hmuh chhuah 861-te chu ZMC-a hmuh 346, TrueNAT-a hmuh 94 leh RAT-a hmuh 421 an ni a; mipa 423 leh hmeichhia 438 an ni.

Ni hnih chhunga hripui vei hmuh thar 1,754-te chu natna lang chhuak 679 leh lang lo 1,075 an ni a; tualchhunga kái 1,741 leh state páwn aṭanga tun hnaia rawn lut 13 niin, tualchhunga kái zingah kàina chin hriat loh mi 626 an awm. Nimin zing khan enkawl mek mi 12,388 an awm a, an tam lai ber a ni.

IDSP record angin, Mizoramah Covid-19 vei mi 38,925 hmuh chhuah a ni tawh a, mipa 2,0567 leh hmeichhia 18,388 an ni. Nimin tlai dar 5 thleng khan mi 26,758 (68.74%) chhuahtir an ni tawh a, mi 150 (0.38%) thi tawhin, enkawl mek mi 12,016 (30.87%) an awm.

July 30, Zirtawpnia swab sample endik dan chu - ZMC laboratory-ah 1,843, TrueNAT hmangin district pariatah 423 leh RAT hmangin district 11-ah 7,344 a ni a, a vaiin sample 9,610 niin, hripui vei hmuh chhuah 893 chu 9.29% a tling. Positive percentage hi ZMC-ah 16.22%, TrueNAT-ah 10.87% leh RAT-ah 7.46% a ni.

Zirtawpnia Covid-19 positive hmuh dan chu - Aizawlah mi 672, Lungleiah 69, Kolasib-ah 43, Lawngtlaiah 40, Mamitah 34, Siahaah 24, Serchhipah 10 leh Saitualah pakhat a ni.

Hripui vei hmuh chhuah mi 893-te chu natna lang chhuak 420 leh lang lo 473 an ni a; tualchhunga kái 885 leh state páwn aṭanga tun hnaia lut pariat niin, tualchhunga kái zingah kàina chin hriat loh mi 329 an awm. An zinga a naupang ber chu ni 8-a upa a ni a, kum 90 tling tawh pathum awmin, a upa ber chu kum 94 a ni.

July 31, Inrinnia swab sample endik dan chu - ZMC laboratory-ah 2,178, TrueNAT hmangin district pariatah 538 leh RAT hmangin district 11-ah 8,280 a ni a, a vaiin sample 10,996 niin, hripui vei hmuh chhuah 861 chu 7.83% a tling.

Inrinnia Covid-19 positive hmuh dan chu - Aizawlah mi 668, Lungleiah 82, Lawngtlaiah 42, Siahaah 28, Champhaiah 27, Mamitah pakua, Serchhipah pathum leh, Saitual leh Khawzawlah pakhat ve ve a ni.

Hripui vei hmuh chhuah mi 861-te chu natna lang chhuak 259 leh lang lo 602 an ni a; tualchhunga kái 856 leh state páwn aṭanga tun hnaia lut panga niin, tualchhunga kái zingah kàina chin hriat loh mi 297 an awm. An zinga a naupang ber chu ni 4-a upa a ni a, ani hi Covid-19 positive nu-in SRH-a a hrin nia thu dawn a ni. A upa ber chu kum 88 a ni thung.

Inrinni khan hripui laka fihlim tawh mi 385 chhuahtir an ni a, nimin khan tlai dar 5 thlengin mi 372 chhuahtir an ni bawk.

IDSP tarlan danin, July 31, 2021 thlengin Mizoramah swab sample 6,33,614 endik a ni tawh a, chu'ng aṭanga Covid-19 vei hmuh tawh zat 38,925 chu 6.14% a ni. Hripui vei hmuh tawh zinga mi 34,714 chu Mizoram chhunga kái chhâwng an ni a, mi 4,211 chu Mizoram páwn aṭanga an rawn luh hnua hmuh chhuah an ni.