Larsap-in President leh PM hmu

Governor Dr Hari­babu Kambhampati chuan nimin khan Vice President M Venkaiah Naidu leh prime minister Narendra Modi-te chu New Delhi-a an pisaah a hmu a, Mizoram tana thil pawimawhte a sawipui. July 31, Inrinni khan Presi­dent Ram Nath Kovind a lo kâwm tawh bawk.

ANI tarlan danin, larsap Kambhampati Haribabu hian Prime Minister hi Mizoram leh Assam ramri buai chungchang hrilhin, state pahnih inkara inhmuh thiam lohna awm chinfel dan tur a sawipui.

Parliament-a Prime Minister a hmuh hnua media lamin an kawm­naah Governor chuan, Mizoram leh Assam ramri buaina thleng chu pawi a tih thu a sawi a; Union Home Minister hoa buaina chinfel an tum thu sawiin, "Home Minister-in buaina ṭhelh tumin hma a la a, he harsatna hi chinfel ngei a tum. Chief minister pahnihte pawhin inremna thlentir ngei an duh ve ve a ni," a ti.

Larsap Kambhampati Haribabu hian Home minister Amit Shah pawh a kâwm leh dawn a ni.