Remna zawngin Assam Minister pahnih Atul Bora leh Ashok Singhal lo zin dawn

Assam chief minister Himanta Biswa Sarma chuan Mizoram leh Assam ramria buaina chhuak chungchang sawiho turin cabinet minister pahnih Aizawla an rawn zin tur thu nimin khan a sawi.

He thu hi nizan khan Himanta hian Twitter kal tlangin a puang a, Atul Bora, Agriculture and Vete­rinary minister leh Urban Development& Irriga­tion minister Ashok Singhal-te chu August 5 hian Aizawlah an rawn zin ang.

Himanta chuan, "Assam chuan a ramriah remna thlentir a duh a, hmar chhakah remna leh hmasawnna awm turin a duh tlat a ni," tiin minister-te lo zin tur thu a puan rual hian a sawi.