Sorkar a luang chhuak tawk lo - ZPM Ṭhalai

ZPM Ṭhalai chuan thuchhuah siamin, hripui do laiin Mizoram sorkarin sum a hmu ṭha tâwka a lan thu an tarlang a; chutih laiin, sorkar chu mipui tan a luang chhuak tâwk loa an hriat thu an sawi.

ZPM ṭhalaite tarlan danin, DMR hnuaiah MHA chuan SDRF allocation pangngai aṭangin kum 2019-20-ah cheng nuai 700, kum 2020-21-ah nuai 728 leh September 29, 2020-ah nuai 312 a pe a, Ayush aṭangin nuai 100, Ministry of HFW aṭangin nuai 1204.88, NEC leh DONER-a project pathum aṭangin nuai 1996.26 hmuh a ni bawk.

Post Devolution Revenue Defecit Grand leh Share of Central Tax-ah beisei zat hmuh a ni a, Share of Central Tax-ah phei chuan beisei zat aia tam hmuh a ni.

ZPM Ṭhalai chuan, "Mipui náwlpui tana ṭanpuina lian tham ruahmanna siam chuang loa táwngpáwng lockdown leh ringawt ṭhin lo a, ruahmanna ṭha zawk mamawhna a sang hle," an ti.