Governor-in ramri buai Home minister Amit Shah a sawipui

Governor Dr Haribabu Kam­bhampati chuan August 2, Thawhṭanni chawhnu khan Union Home minister Amit Shah chu Parliament House-ah a kâwm a, Mizoram thil pawimawh hrang hrang bakah, Mizoram-Assam ramria buaina chungchang a sawipui.

Larsap Dr Haribabu Kam­bhampati hian Union Home Minister hnenah hian tunlaia Mizoram dinhmun te, ramri buaina chungchang leh Mizoram tana thil pawimawh dangte a thlen a ni. Boruak ṭha tak hnuaiah ramria buaina chinfel a nih theih nan state pahniha mipui'n harsatna an siam loh a pawimawh thu a sawi a; remna hawi zawnga rilru puthmang siam a, hmalak tlan a pawimawh thu sawiin, boruak tichhe zawnga hma la lo tur leh thuchhuahte siam lo turin mi tin a ngen tih a sawi bawk.

Home minister Amit Shah chuan, ramri buaina chung changah inremna a awm thuai theih nan tih ngai apiangte tih a ni a, hmalak mek a nih thu Governor chu a lo hrilh tih sorkar thuchhuahin a tarlang.