CMRF sum pek chhuah a ni

Chief Minister's Relief Fund for Covid-19 (CMRF) sum aṭangin nimin khan Rs. 2,25,000 pek chhuah a ni.

Sorkar thuchhuah tarlan danin, CMRF for Covid-19 aṭanga nimina sum pek chhuahnate chu - ruihhlo ngai, Covid-19 inkhuahkhirhna bawhchhiat vanga Aizawl district-a drug treatment centre-a awmte mi 35-te thla hnih chhung enkawlna, ei leh in leh riahna senso atan Rs. 1,75,000 leh special quarantine centre (Rajiv Gandhi Stadium) aṭanga drug treatment centre-a dah luhna atana lirthei hman man atan Rs. 50,000-te a ni.

CMRF for Covid-19 ah hian nimin thleng khan Rs. 29,21,34,878 thawh khawm a ni tawh a, Rs. 26,79,80,470 hman tawh niin, hman loh Rs. 2,41,54,408 a la awm a ni.