LUNGLEIAH RT-PCR LAB. DIN TURIN COUT-IN HRIATTIR

Gauhati High Court chuan, Mizoram chhim lamah RT-PCR laboratory din tur leh hma la nghal turin Mizoram sorkar a hriattir. Mizoram sorkarin chhim lam district-te'n RT-PCR laboratory an mamawh lo anga a tarlang chu Court hian a pawm lo bawk.

Mizoram chhim lama RTPCR lab. din chungchanga PIL lut chungchangah vawiin August 4, 2021 hian High Court-in order a tichhuak. Mizoram sorkar chu chhim lama RTPCR lab. din dan ngaihtuahtu tur committee din nghal tur leh committee-ah chuan Lunglei Sub-Hqrs YMA President leh Lunglei Thalai pawl Chief Organiser telh ngei turin a hriattir a ni.