Health Minister-in Mamit Hospital a tlawh

Health & Family Welfare minister Dr R Lalthangliana chuan August 3, Thawhlehni khan Mamit District Hospital building thar tur sak mek a tlawh a, hna kal mek leh hmachhawpte a enfiah.

Health Minister hi Mamit DC Dr Lalrozama, SP Shashank Jaiswal leh Medical Superintendent ten an lo dawngsawng a; R Lalthangliana chuan, District Hospital satu Zamzo Engineering Construction & Consultancy chu ṭha taka thawk tur leh hun bituk thla 24 chhunga sa zo ngei turin a chah a, District Hospital thuneitute chu hnathawh vil uluk turin a chah bawk.

Mamit District Hospital sak mek hi khum 100 awmna tura ruahman a ni a, a sak nan cheng vbc. 17.93 ruahman a ni. A sakna sum hi Power Finance Corporation CSR aṭangin vbc. 12.55 (70%) hmuh a ni a, a bâk 30% chu Mizoram sorkarin a tum thung.