Lalremsiami hamṭhatna pe

Chief minister Zoram­thanga chuan, Tokyo Olympics 2020-a India tana hockey khel Lalremsiami chu sorkar hna pek a nih tur thu leh Kolasib-ah in hmun pek a nih dawn thu nimin khan a puang.

CM Zoramthanga hian nimin khan Twitter-ah Mizoram sorkarin Lalremsiami hnena hamṭhatna a pek tur a puang a; sorkar hna leh in hmun pek a nih tur thu a tarlan bakah, cheng nuai 25 pek a nih tur thu a tarlang a, Olympics atana a inbuatsaihna atan cheng nuai 20 pek chhuah a nih tawh thu a tarlang bawk.

Chief Minister hian Lalremsiami chu khaw­vela Mizoram tihming­ṭhatu ni zel tur leh hlawh­tlinna sang zawk chang turin duhsakna a hlan a ni.