IPR Minister leh media mite inkâwm

Information & Public Relations minister Lalruatkima chuan nimin khan a pisaah MJA office bearer-te leh national media correspondent-te a kâwm a; August 5, Ningania Assam minister pahnih rawn zinte nen Joint Statement an siam chuan rah duhawm a thlen a beiseiawm tih a sawi.

Lalruatkima chuan, tun hnaia ramri buaina chungchangah Mizorama thuthar thehdarhtute'n sorkar hmalaknate theihtawpa an thlàwpnaah an lawm thu a sawi a; hun lo kal zelah pawh sorkar hmalakna hrang hrang mipui hriattirna kawngah sorkar nena thawhhona ṭha neih a, theihtawp chhuahho zel tur an duh thu a sawi bawk.

IPR Minister leh media-te inkawmnaah chief secretary Lalnunmawia Chuaungo pawh a tel a; media-te'n ramri buaina chungchangah nasa takin sorkar hmalakna an ṭawiawm tih sawiin, mipui hriat tur thu pawimawh puanzarna lamah theihtawp an chhuah ṭhinnaah lawmthu a hrilh a ni.