KHAWTHLIR

Power siam dawn
Power & Electricity department chuan vawiin hian Luangmual sub-station-ah transformer an siamṭha dawn a, hei vang hian vawiin zing dar 9 aṭangin kawlphetha an titawp dawn a, Aizawla veng ṭhenkhatin kawlphetha an hmu thei dawn lo. Kawlphetha hmu thei lo tur vengte chu - Bawngkawn veng ṭhenkhat, Chaltlang veng ṭhenkhat, Chawnpui, Tanhril, MZU, PGCI, High Court, Vaivakawn, Zonuam leh Zotlangte a ni.

Assembly session
Governor Dr Hari Babu Kambhampati chuan Mizoram Legislative Assembly pariatna session vawi riatna chu September 7, 2021-a neih ṭan turin a ko. Session hi September 8 chawhma dar 10:30-ah ṭan a ni ang a, a rei zawng tur tarlan a ni lo.

Tanpuina hlân
New Mamit Village Task Force chuan nimin khan Tuikhuahtlang khawtlang hnenah chawhmeh chi hrang hrang, Pik-up pali phur an pe. Tuikhuahtlang LTF chuan New Mamit mipui chungah an lawm thu an tarlang.

Police-te tui pe
Mizoram Industry Owners Association (MIOA) chuan an member-te'n tui thianghlim in tur (packaged drinking water) an siam chhuah an thawh khawm báwmpui 300 (ûm 3,600) chu August 8, 2021 khan ramria duty Mizoram police-te hnenah an hlân.