Covid vaccine kan ngah - Health Minister
Health & Family Welfare minister Dr R Lalthangliana chuan, August 5 thlengin Mizoramah Covid-19 vaccine mi nuai riat chuangin an lak tawh thu leh hmarchhak state zingah Covid-19 vaccine peka ti ṭha ber dawttu a nih thu a sawi a; vaccine kawl sa a tam tawk thu a sawi bawk.
August 5, Ningania Secretariat Conference Hall-a Covid-19 Review Meeting-ah thu sawiin Dr R Lalthangliana chuan, "Mizoram chu India hmarchhak state-ah vaccination drive ti ṭha ber dawttu kan ni a, mi nuai riat chuangin vaccine first dose la tawhin, nuai hnih chuangin second dose an la tawh bawk," a ti.