RT-PCR hmanga endik turte RAT hmangin endik rih dawn
Covid-19 thupuangtu Dr Pachuau Lalmalsawma chuan, RT-PCR test kit tlakchham avangin RT-PCR hmanga swab sample endik turte chu Rapid Antigen Test (RAT) hmanga endik rih an nih dawn thu a tarlang.
Dr Pachuau Lalmalsawma chuan, nimina Health Minister hoa doctor-te inràwnkhawmnaah Covid-19 positive nena inhnaihte leh Mizoram páwn aṭanga rawn lut, RT-PCR hmanga swab sample endik hun tawhte chungchangah ruahmanna siam a nih thu a tarlang a ni.