COVID-19: Mizoram dinhmun Hripui vei 1,431 hmuh belh a ni

August 6-7, 2021 chhung khan Mizoramah Covid-19 vei mi 1,431 hmuh chhuah a ni. Inrinni leh nimin khan hripui laka fihlim tawh mi 1,322 chhuah­tir an ni a, mi paruk an thi thung.

IDSP record angin, Mizoramah Covid-19 vei mi 44,239 hmuh chhuah a ni tawh a, mipa 23,067 leh hmeichhia 21,172 an ni. Nimin tlai dar 5 thleng khan mi 31,819 (71.93%) chhuahtir an ni tawh a, mi 167 (0.37%) thi tawhin, enkawl mek mi 12,253 (27.70%) an awm.

Covid-19 vei August 6-a hmuh chhuahte chu mipa 337 leh hmeichhia 385, an vaiin mi 722 an ni a; ZMC laboratory-a hmuh chhuah 19, TrueNAT hmanga hmuh 68 leh RAT hmanga hmuh 635 an ni. August 7, Inrinnia hmuh chhuah mi 709-te chu mipa 339 leh hmeichhia 370 an ni a; ZMC-a hmuh 38, TrueNAT hmanga hmuh 11 leh RAT hmanga hmuh 660 an ni.

August 6, Zirtawpnia swab sample endik dan chu - ZMC laboratory-ah 82, TrueNAT hmangin district pakuaah 328 leh RAT hmangin district 11-ah 6,021 a ni a, a vaiin sample 6,431 niin, hripui vei hmuh chhuah 722 chu 11.22% a tling. Positive percentage hi ZMC-ah 23.17%, TrueNAT-ah 20.73% leh RAT-ah 10.54% a ni.

Mi 722-te chu symp­tom nei 389 leh nei lo 333 an ni a; tualchhunga kái 717 leh tun hnaia state pawn aṭanga lut panga niin, tualchhunga kái zingah kàina chin hriat loh mi 472 an awm.

August 7, Inrinnia swab sample endik dan chu - ZMC laboratory-ah 205, TrueNAT hmangin district 10-ah 78 leh RAT hmangin district 11-ah 8,925 a ni a, a vaiin sample 9,208 niin, hripui vei hmuh chhuah 709 chu 7.69% a ni. Positive percentage hi ZMC-ah 18.53%, TrueNAT-ah 14.10% leh RAT-ah 7.39% a ni.

Mi 709-te chu symp­tom nei 399 leh nei lo 310 an ni a; tualchhunga kái vek niin, kàina chin hriat loh mi 396 an awm.

Nimin khan tlai dar 5 thlengin hripui laka fihlim tawh mi 426 chhuahtir an ni a; Inrinni khan mi 896 chhuahtir an lo ni tawh bawk.