Aizawla lirthei tlan dan tur

Aizawla lirthei tlan dan tur chungchangah Traffic SP Rodingliana Chawngthu chuan Disaster Management and Rehabilitation department order tlawhchhanin nimin khan hriattirna a chhuah a; partial lockdown kalpui lai, August 8-14, 2021 chhunga lirthei tlân dan tur ruahman a ni.

Phalna nei lo tan curfew hun chhung, zan dar 7 aṭanga zing dar 4 inkarah leh Pathianniah tlân phal a ni lo a; lirtheiah registration-a seat awm zat (seating capacity) tarlan aia tam chuan phal a ni lo. Lirthei khalhtute leh an phurhte'n hmai tuam tur a ni a, passenger-te hman tur hand sanitiser pai reng tur a ni bawk.

City bus-te chu Aizawl City Bus Owners Assosciation-in routine an siam angin an tlan dawn a, ni khatah bus 80 aia tam tlantir phal a ni lo. Bungraw phur (commercial vehicle LMV chin)-te chu registration number odd (kawpkim lo) leh even (kawpkim)-ah ṭhenin an intlan chhâwk dawn a ni.

Ruahmannain a huam lohte
* Governor, Chief Minister leh Speaker-te (carcade tiamin)
* Gauhati High Court judge
* Police department duty motor
* Traffic police duty
* Fire (FES) lirthei
* Excise & Narcotics motor duty
* Damdawi-ina thawkte
* Ambulance leh morgue van
* Law & order duty leh emergency duty
* Disaster Management hnuaia emergency duty
* Media mite (MJA sticker tár)
* Chanchinbu sem
* PHE & PE dept. emergency duty leh tuisem
* Sahuan duty
* Bawnghnute sem
* AMC hnuaia bawlhhlawh paih motor
* Sipai leh para-military force
* Sorkar department/office despatch rider
* Rualbanlote tana special vehicle
* Task force duty (duty ID nei)
* Kohhran hminga lirthei register
* AIR leh DDK-a thawkte
* Damlo, thihna vanga ṭul bik thilah m-Pass Traffic kaltlangin
Traffic SP / Aizawl DC-ah phalna dil theih a ni.