Harsate chhawmdawl turin sorkar phût

Congress party chuan, Covid-19 léng leh lockdown vanga harsatna tâwkte chhawmdawlna kawngah hma la turin Mizoram sorkar an phût.

MPCC chuan thuchhuah siamin, Mizoramin hun khirh tak a tawng a, Covid-19 léng avangin chhungkaw tam tak sum leh pai nei loin an awm thu te, sumdawnna tam tak a tlakchhiat thu te, in luah man pe thei lo, bill pe thei lo leh loan rûl hleithei lo tam tak an awm mek thute an tarlang.

Congress party chuan, total Lockdown thlahdul hret ni mah se, harsatnain ziaawm lam a pan mai dawn lo nia sawiin, ṭanpuina lamah thâ thlah mai loa insan mar zel a ngai dawn niin an tarlang a, "Mizoram mipui tam zawk hna thawk thei loa ni 100 chuang kan awm lai leh chhungkaw tam tak eizawnna a buai vek hnu pawha MNF sorkarin chhawmdawlna lama ruahmanna a siam duh miah lo hi mak kan ti hle a ni," an ti.