Ei leh inah fimkhur turin mipui chah

Food Safety deputy commissioner Lalsawma chuan thuchhuah siamin, ei leh in thianghlim lo laka fimkhur turin mipui a chah.

Lalsawma chuan, hriselna ṭha nei turin ei leh in thianghlim a pawimawh tlukin ei leh in thianghlim loin hriselna a tichhe thei tih a tarlang a, "Ei leh in thianghlim khawih hmelhémna (adulteration) hi thil thleng thei leh pawi tak a ni. Food laboratory changtlung zawk state-in kan la neih loh avang leh, ei leh in Mizorama lo lutte endik sèn a nih loh avangin ei leh in thianghlim lo vanga harsatna thleng palh thei reng a ni," a ti.