Hripui vangin mi pakhat thi
Nimin khan Covid-19 vei enkawl lai zinga pakhat a thi a; sorkar chhinchhiah angin, nimin tlai dar 5 thlenga Mizorama hripui vanga thi chu mi 168 an ni.
PC Lalzamliana (59) h/o Kawlchhuani, Aizawl Venglai chu nimin zing dar 4 khan hripui vangin State Referral Hospital-ah a thi a, nimin chhun dar 12 khan Aizawl Venglai YMA Hall-ah vui a ni.
Thu dawn danin, PC Lalzamliana hi chuap ṭha lo (interstitial lung disease) nei sa a ni a; Covid-19 vei tih July 31, 2021 khan hmuh chhuah niin, hemi ni hian SRH-ZMC-ah dah luh nghal a ni.
Sorkar chhinchhiah angin, nimin tlai dar 5 thleng khan Mizoramah hripui vei thi mi 168 an awm tawh a; thla kal lai, August bikah mi 20 an thi tawh a ni.