Lunglei HPC leh Agriculture dept-in Bekang chînna tur project tlangzarh

Lunglei High Powered Committee leh Agriculture department buatsaih bekang chînna tur project 'Intensive Cultivation of Soyabean' chu nimin khan Lunglei HPC vice chairman Lawmawma Tochhawng, MLA-in Agriculture conference hall, Lungleiah a tlangzarh.

Lawmawma To­chhawng chuan, kut hnatawktute leh sorkar official-te fuihin, "Leilung leh kan nunna hi a inzawm tlat tih kan hria a, chu chu a taka kan chantir loh chuan kan daih rei ṭhin lo. Sorkar leh department-te'n hma an lâkna hrang hrang tihlawhtling turin thláwp ṭha ila, state páwn aṭanga kan lâk luh tam tak hi tihtawp tumin Lunglei intodelh tumin bul i ṭan ṭha leh ang u," a ti.

Intensive cultivation of Soyabean hnuaiah hian Lunglei district-a ram hectare 25-a zauah bekang chìn a ni dawn a; chíng turin Dâwn, Buarpui leh Káwlhâwk khuaa loneitu mi 100 thlan an ni.