Dampa-ah sakei a awm thu puang

Environment, Forests & Climate Change (EFCC) minister TJ Lalnuntluanga chuan nimin khan video conferencing kaltlangin Dampa Tiger Reserve-ah sakei a awm thu a puang.

Wildlife Institute of India camera trap (thang)-in May 16, 2021 khan sakei thla a la fuh a, camera trap chu Dampa Tiger Reserve-a wildlife guard Zakhuma kam a ni.

TJ Lalnuntluanga chuan, hun rei tak chhung sakei hnûhmá hmuh a nih tawh loh hnuah Zakhuma'n sakei thla a la fuh chu chhuanawm a tih thu sawiin, "Dampa Tiger Reserve hi nungcha humhalhna hmun dang­lam bik a ni," a ti a, depart­ment-a thawktute leh a chhehvela chengte chu nungcha humhalh kawngah thawhhona ṭha tak nei zel turin a sáwm.

Video conferencing hi PCCF Liandawla'n a kaihruai a, chief wildlife warden Liankima Lailung-in sakei thla lak a nih dan a sawifiah. Wildlife Institute of India scientist Dr Lallianpuii Kawlni-in Dampa Tiger Reserve-a zirchianna kalpui mek a nih dan a sawi a, sakei thlalak chu Wildlife Institute of India chuan finfiahin a nemnghehpui tawh thu a sawi a ni.