Quick Response Team training buatsaih

Nimin khan Serchhip DC meeting hall-ah chhiatna thlen palha rang taka ṭanpuina hna thawktu tur Quick Response Team mi pakuate tan ni li awh tur training buatsaih a ni a, bawrhsap Kumar Abhishek-a'n a hawnna inkhawm a hmanpui.

Serchhip DC chuan, Mizoram chu tlang ram a nih avangin chhiatna chi hrang hrang lakah a him tâwk lo tih sawiin, "Chhiatna thlen palha ṭanpuina hna thawktu tur Quick Response Team neih hi thil ṭul tak, neih ngei ngei tur a ni," a ti a; training hlâwk leh ṭangkai tak ni turin duhsakna a hlân.

Training-ah hian SYS instructor Moses Lalthanpuia'n Quick Response Team mi pakuate chu chhiatna thlen palha chhanchhuahna hna thawh dan leh hmanraw hrang hrang hman dante a zirtir dawn a; Quick Response Team chu district-a chhiatna a thlen changa chhan chhuahna hna thawk turin DC pisa aṭangin tirh chhuah ṭhin an ni ang.