CHA-a ICU siam mek enfiah

Covid-19 Medical Operational Team chairman Dr ZR Thiamsanga, MLA chuan Civil Hospital, Aizawla intensive care unit (ICU) siam mek chu August 10, Thawhlehni khan a tlawh a; damdawi-in thuneitute nen hmalak mek leh hnathawh mekte an enfiah.

Dr ZR Thiamsanga chuan, Covid-19 hripui vei ICU-a enkawl ngai an pun zel karah Chief Minister leh Health Minister-te'n SRH-ZMC-a ICU a khah reng avangin Civil Hospital ICU chu rang taka peih a ngai an ti a, chuvang chuan a dinhmun en tura kal a nih thu a sawi.

Chief Minister ṭhahnem ngaihna azarah ICU siam thara thawk tur nurse leh grade IV eng emaw zat lawmman pea lak a nih tur thu a sawi a; bawhzui ngaite chak taka ûm zui a nih thu leh ICU thar siam mek chu rei lo te chhunga hman theiha peih a nih tur thu a sawi bawk.

Dr ZR Thiamsanga hi Aizawl Civil Hospital medical seperintendent Dr Lalhmuchhuaka'n a ṭawiawm a ni.