WHO-in puan-in lian 12 a pe

World Health Orga­nisation (WHO, India chuan nimin khan Health & Family Welfare department hnenah Covid-19 donaa a ṭulnaa hman atan puan-in lian (hub tent) leh a kaihhnawih hmanruate an hlân.

WHO-in an pek puan-inte chu square metre 24 leh 42-a lian paruk ve ve a ni a; WHO India surveillance medical officer Dr Lalhlimpuii'n HFW principal director Dr F Lallianhlira hnenah a hlân a ni.

HFW department tarlan danin, puan-in pakhatin khum thleh theih pathum zel, pulse oximeter, furniture, blood pressure enna, thermometer, solar lamp-te a chhawm. Damdawi-in angin a hman theih a; Covid-19 vaccine pekna leh swab sample endikna atan hman theih a ni bawk.

Puan-inte chu Aizawl­ah panga a awm ang a, a dang pasarih chu chief medical officer ṭhuthmun district tinah pakhat zel dah a ni ang.